Baixo o título "Poesía en Gaza", o colectivo "Coser a ferida", formado por Inma Doval e Emma Pedreira, e a editora cartoneira "Nomelibro Nilointento" únense para impartir un taller no que se pintará a cuberta e se encadernará artesanalmente a antoloxía poética "Un sexto dedo en cada man",  un libro que recolle os versos do poeta palestino Nasser Rabah, traducidos ao galego por Emma Pedreira.

As persoas participantes levarán o seu exemplar do libro, manufacturado na pripia sesión, e o importe recadado irá destinado ao autor, que se atopa actualmente vivindo nun campo de refuxiados.