A xornada constará de 2 partes: 

1ª parte: taller de creación literaria. As persoas inscritas dividiranse en tres grupos de traballo coordinados por tres autoras de referencia da literatura galega contemporánea: Emma Pedreira, María Besteiros e Ana Varela. Ao longo de 2 horas, cada grupo construirá de maneira colectiva un relato curto en galego.

2ª parte: lectura pública. Os tres grupos reuniranse novamente nun espazo común aberto ao público xeral. As coordinadoras darán lectura aos relatos creados durante o obradoiro e compartirán unha conversa arredor da importancia de manter viva a literatura galega, así como da figura de Begoña Caamaño, homenaxeada nesta edición das Letras Galegas.