Obxectivos

• Aprender a deseñar e estruturar unha novela sólida desde a primeira idea ata a súa arquitectura final.
• Explorar os métodos de traballo, as estratexias narrativas e os procesos creativos de grandes autores da literatura universal como Ernest Hemingway, John Dos Passos, William Faulkner, Antón Chéjov, Virginia Woolf, Clarice Lispector, Jorge Luís Borges ou Julio Cortázar, analizando como constrúen personaxes, organizan o tempo narrativo, desenvolven atmosferas e converten a experiencia humana en materia literaria.
• Dominar as técnicas profesionais de worldbuilding para crear universos narrativos ricos, coherentes e memorables.
• Incorporar ferramentas avanzadas de escritura creativa aplicadas á construción de tramas, personaxes, atmosferas e conflitos narrativos.
• Potenciar a imaxinación e desbloquear a creatividade literaria mediante exercicios prácticos e dinámicas de creación.
• Utilizar aplicacións e ferramentas dixitais que faciliten a planificación, organización e desenvolvemento profesional de proxectos narrativos.
• Finalizar o curso coa escritura dun capítulo de novela ou un relato longo listo para seguir desenvolvéndose.

Metodoloxía

• En directo a través de Microsoft Teams. Os estudantes inscritos reciben a información de acceso na dirección de correo electrónico que indicasen ao matricularse.
• En diferido. Os estudantes reciben as gravacións de cada unha das sesións do curso no prazo máximo de tres días hábiles a partir da súa gravación.