PROGRAMA

Sábado 5 de setembro

Visita guiada á igrexa de San Tomé de Monteagudo (Arteixo)

• Hora e lugar de encontro: 18.00 h, no adro da igrexa
• Inscrición: non é precisa inscrición

Concerto de Le Miroir de Musique, especializado na música de transición entre a Idade Media e o Renacemento.

• Hora e lugar: 20.00 h, na igrexa de San Tomé de Monteagudo (Arteixo)

Sábado 12 de setembro

Percorrido polo Betanzos monumental

• Hora e lugar de encontro: 16.00 h, na praza Irmáns García Naveira, xunto á estatua dos Irmáns García Naveira 
• Duración do percorrido: 2 h aprox.
• Dificultade: baixa
• Capacidade máxima: 65 persoas
• Inscrición: do 8 ao 10 de setembro en actividades@espazossonoros.org

Concerto de Das Kolorit, grupo especializado na interpretación, con instrumentos históricos, de música de cámara virtuosa.

• Hora e lugar: 19.00 h, no Teatro-Cine Alfonsetti, (Betanzos)

Sábado 19 de setembro

Pequeno percorrido polos muíños do río das Gándaras (Vilasantar)

• Hora e lugar de encontro: 16.00 h, na igrexa de Santa María de Mezonzo
• Duración: 2 horas aprox.
• Distancia: 4,5 Km
• Dificultade: media-alta
• Capacidade máxima: 70 persoas
• Inscrición: do 15 ao 17 de setembro en actividades@espazossonoros.org

Concerto de Reïna Lupa, que propón unha selección de madrigais e motetes para voz solista e dúo, xunto a obras de importantes compositores da vida musical veneciana.

• Hora e lugar: 19.00 h, no Santuario da Nosa Señora da Laxe (Vilasantar)

Sábado 26 de setembro

A Pobra de Valle-Inclán: un paseo entre historia e literatura (A Pobra do Caramiñal)

• Hora e lugar de encontro: 17.00 h, no Museo Valle Inclán
• Duración do percorrido e visita: 2 horas e media aprox.
• Dificultade: baixa
• Capacidade máxima: 60 persoas
• Inscrición: do 22 ao 24 de setembro en actividades@espazossonoros.org

Concerto de Sara Ruiz, violagambista española máis recoñecida do panorama internacional.

• Hora e lugar: 20.30 h, na igrexa de Santiago da Pobra do Deán (A Pobra do Caramiñal)

Domingo 27 de setembro

O Forno do Forte: barro, oficio e tradición (Malpica de Bergantiños)

• 12.00 h - Encontro na entrada do Ecomuseo Forno do Forte e inicio das actividades
• 14.00 h - Xantar libre
• 16.30 h - Continúan as actividades
• 18.30 h - Apertura de portas para o concerto do grupo Abeiro
• Capacidade máxima: 75 persoas
• Inscrición: do 22 ao 24 de setembro en actividades@espazossonoros.org

Concerto do Dúo Abeiro, formado por dous músicos que combinan o violonchelo e a guitarra.

• Hora e lugar: 19.00 h, no Ecomuseo Forno do Forte (Malpica de Bergantiños)

Sábado 3 de outubro

Visita contada por Quico Cadaval á igrexa de Santa María de Cuíña

Precisamente na igrexa de Cuíña, se atopa unha interesante representación da Morte que permite achegarse a esa visión medieval na que o alén e a fin da vida estaban presentes de maneira constante. A través dunha narración en movemento, que comezará en San Nicolao de Cis e na que Quico Cadaval activa a tradición oral, a ironía, o humor e a reflexión histórica, o patrimonio transfórmase nun relato compartido.

• Hora e lugar de encontro: 16.00 h, na igrexa de San Nicolao de Cis
• Duración do percorrido e visita: 2 h aprox.
• Distancia a pé: 3 km
• Dificultade: baixa
• Capacidade máxima: 60 persoas
• Inscrición: do 29 de setembro ao 1 de outubro en actividades@espazossonoros.org

Concerto do Grupo 1500, que aborda os cinco prantos que teñen relación coa historia do Reino medieval de Galicia.

• Hora e lugar: 19.00 h, na igrexa de San Nicolao de Cis (Oza Cesuras)

Xoves 8 de outubro

Serán Galego en Viena (3ª edición) - Galicische Nacht in Wien

A serie Serán Galego en Viena naceu hai tres anos coa idea de difundir a música, a lingua e a literatura galegas nesta cidade e estreitar lazos culturais coa capital austríaca. O programa deste ano está adicado ao etnomusicólogo e investigador Jesús Bal y Gay, polo que se abordarán as súas propias pezas tradicionais galegas incluídas no seu cancioneiro e pezas do século XVI transcritas por el mesmo.

• Hora e lugar: 19.30 h, en Sargfabrik, Penzing (Viena)