O luns 27 de Abril ás 19:00 h. dentro do Programa #LunsDeEncontros temos a presentación do libro "La transfiguración de Tinuco en La Recoponostiofono IV" de Benjamín Sande Rodríguez publicado por Letrame Grupo Editorial.

Acompañarán ao autor Tomás Rodríguez Mosquera, Ex Director Xeral de Pesca da Xunta de Galicia e Antón Luaces Teixido, periodista e locutor de Radio Nacional de España.

SINOPSE:

É unha novela, de ficción, que descobre, a onde se van e o que fan as almas, cando un morre, unha vez que se separan do corpo. Así como desvela os segredos e criterios que rexen, para as almas que non alcanzan directamente o ceo. Onde para o diaño e para Deus, non valen as ideas mercantilistas, que moitos teñen na Terra. 

BENJAMÍN SANDE RODRIGUEZ

Nace en Galicia na década dos 40. Realiza estudos de Peritaxe Industrial, en Vigo, para máis tarde pasarse á carreira de Náutica, levado pola paixón que sempre sentiu cara o mar. Realiza os estudos de Máquinas Mariñas da Mariña Mercante. Profesionalmente percorre case todo o mundo a bordo de todo tipo de buques, de carga, pasaxe e grandes petroleiros, exercendo nalgún deles o cargo de Xefe de Máquinas.

Destaca como comunicador, aproveita os lugares visitados para enviar relatos e varias reportaxes, que son publicados por diarios e revistas. Funda a revista técnica "Ingeniería Marítima".

Publica o seu primeiro libro, gañador dun concurso, para a Xunta de Galicia co título "Salvamento marítimo". A súa afección como escritor lévalle a publicar no ano 2016 a súa primeira gran novela, obra narrativa, co título "O Octopus de Tinuco", con gran éxito. En 2018 publica a súa segunda novela titulada  "La doble muerte del indiano Felipe",  novela de ficción. Actualmente sae á palestra coa súa terceira novela titulada "La transfiguración de Tinuco en La Recoponostiofono IV"