Concello da Coruña

Concello da Coruña

Bibliotecas Municipais

Alcaldía

Ciclo temático "Comunica-dos"

COMUNICA-DOS: a importancia da alfabetización mediática e informacional (AMI) 

Dende a Biblioteca Fórum poñemos en marcha un novo ciclo temático baixo o título "ComunicaDos", dende o 15 de xaneiro ao 15 de abril, co que poñer o foco na importancia da alfabetización mediática e informacional (AMI). 

Vivimos na chamada era da información ou tecnolóxica asociada coa revolución dixital iniciada na segunda metade do século XX. Actualmente, o noso día a día está influenciado polo constante bombardeo de información que nos chega a través de diferentes canles e medios.  Xorden así conceptos coma o da infoxicación, exceso ou sobrecarga de información, que impide que afondemos nos temas que nos interesan. Esa sobrecarga de información non contrastada é caldo de cultivo para a rede de noticias non verdadeiras, as chamadas: Fake News. Estes feitos modifican o noso modo de vida, os nosos costumes, o consumo duns produtos ou outros, a opinión pública... 

Por iso dende a Biblioteca Fórum queremos poñer sobre da mesa a importancia da alfabetización mediática e informacional para que a cidadanía aprenda competencias e habilidades técnicas, cognitivas, sociais, cívicas, éticas e creativas para desenvolverse nos medios actuais, producir contido e entender dunha maneira máis crítica a información que se recibe. É dicir, alfabetizar e educar para que a cidadanía adquira a capacidade de acceder, analizar, avaliar, crear e actuar utilizando todas as formas de comunicación. 

Obxectivos

  • Descubrir estratexias e actividades que se poden implementar na biblioteca para formar lectores e cidadáns activos, competentes e críticos. 
  • Aumentar a conciencia das persoas sobre as moitas formas de mensaxes mediáticas que se atopan na súa vida cotiá. 
  • Destacar a importancia que as falsas noticias e os bulos teñen como ameaza da obxectividade da información e a intencionalidade de manipulación que esconden estas prácticas. 
  • Contribuír á necesidade de crear unha igualdade de condicións entre quen produce a información cos seus propios intereses, e aqueles que a consumen inocentemente, como noticias ou entretemento. 

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión