O club de teatro da biblioteca municipal Sagrada Familia obrece esta dramatización arredor da figura de María Casares, estruturada en tres partes:

1. A Vitola pequena, que con 9, 12 anos, escribe ás súas amizades da Coruña.
2. A correspondencia entre María Casares e o seu pai Santiago Casares, recollidas no libro Cartas no exilio. María escribe desde Italia e Niza, onde está rodando varias películas, entre os anos 1946 e 1949, ao seu pai que está en París.
3. Unha entrevista radiofónica ficticia á María Casares dos últimos anos, feita a través de retrincos doutras entrevistas reais.

A través deste espectáculo coñeceremos non só algúns feitos da vida de María Casares, senón tamén a súa personalidade, as súas relacións e a súa actitude ante o exilio e ante Galiza.