Concello da Coruña

Concello da Coruña

Bibliotecas Municipais

Alcaldía

Ano Internacional María Casares

As bibliotecas municipais de Coruña súmanse ao Aniversario do nacemento da actriz coruñesa, María Casares (1922-2022) para celebrar o 2022 Ano Internacional María Casares.

En 2022 celebramos o Ano Internacional María Casares con motivo do centenario do seu nacemento. Outra gran muller da nosa cidade volve ser protagonista por méritos propios. Isto é especialmente así no caso de María Casares, xa que, polas circunstancias que lle tocaron vivir (o seu pai era presidente do Consello de Ministros da Segunda República), tivo que exiliarse a Francia a unha idade moi temperá, con 14 anos. Comezou de cero a aprender unha lingua e un oficio nun país que non era o seu, pero que a acabou recoñecendo como unha das grandes damas do teatro francés.

A súa infancia coruñesa, a súa condición de exiliada e ser filla de Santiago Casares Quiroga e Gloria Pérez Corrales marcaron profundamente a súa vida. En 1980 publicou a súa autobiografía Residente privilexiada, as memorias dunha vida apaixonante, onde deixou constancia diso: "Recordo con moita máis amargura a marcha da Coruña a Madrid que a de Madrid a París".

Este e outros libros atópanse entre os fondos das nosas bibliotecas, así que te animamos e convidamos a achegarte ás nosas instalacións para coñecer de primeira man  moito máis sobre esta magnífica muller, actriz e personaxe pública de orixe coruñesa e de gran transcendencia na vida social, cultural e artística da Francia do século  XX.

O concello, e tamén as bibliotecas municipais, preparamos para ti unha completa programación para profundar máis na súa figura: charlas, exposicións, lecturas dramatizadas, mostras bibliográficas... agárdante na túa biblioteca máis próxima.

Tamén che ofrecemos outros recursos na web, como unha guía de lectura dixital sobre a autora que che descubrirá outros libros publicados sobre María Casares, así como entrevistas, documentais ou documentos sonoros. Ademais, periodicamente faremos novas publicacións nos nosos blogs e redes sociais, leremos para ti a través dos nosos podcast e prepararemos un vídeo cos documentos sobre María Casares nas bibliotecas municipais e os escenarios por onde transitou. Non o podes perder!

Desde as bibliotecas municipais querémoslle render unha homenaxe especial a esta muller que rememoraba a biblioteca familiar do seu pai, Santiago Casares Quiroga, como uns dos lugares máis importantes da súa infancia. Unha biblioteca que chegou a contar con máis de 20.000 exemplares de todo tipo de saberes en varias linguas e que ao estoupar a guerra civil foi "incautada,  espoliada e desfeita". 

Onde podo atopar máis información sobre os eventos programados nas bibliotecas?

Cada mes os actos e actividades presenciais estarán localizados nunha das bibliotecas da rede municipal, e aglutinados nun eixe vertebrador arredor da vida e obra de María Casares. Para saber as datas exactas de cada evento, podes descargar a programación.

Onde podo atopar o contido dixital desta celebración?

Conforme vaiamos compartíndoo, poderás atopar aquí mesmo as ligazóns a posts, podcasts, vídeos, guías de lectura...

Lemos para ti... a María Casares

2022 é o Ano Internacional María Casares. As bibliotecas municipais únense ao resto da programación municipal para dar a coñecer a esta importante muller de orixe coruñesa que foi unha gran dama do teatro francés e unha personaxe moi influente da vida cultural e social da Francia do século  XX. 

O noso programa, Lemos para ti, dedícalle un ciclo temático a través da lectura de fragmentos que van desde a súa propia autobiografía, "Residente privilexiada", ata obras como: estudos, biografías, artigos ou literatura. Pequenas pingas que che mostrarán a intensa e apaixonante vida de María Casares.

Arrincamos en febreiro e os podcast están dispoñibles nas nosas canles de Ivoox e Spotify!

Pica para escoitar máis podcast a continuación

Podes escoitar máis podcast sobre María Casares picando na ligazón:

Lemos para ti... a María Casares (2)

Máis podcast a continuación!

Lembra: dispoñibles nas nosas canles de Ivoox e Spotify!

Lemos para ti... a María Casares (3)

Máis podcast a continuación!

Lembra: dispoñibles nas nosas canles de Ivoox e Spotify!

Podcast María Casares: da Coruña a Residente Privilexiada

Serie de audios biográficos sobre a María Casares dispoñibles nas nosas canles de Ivoox e Spotify.

Co gallo do Ano Internacional María Casares, o Concello da Coruña presentou o podcast biográfico "María Casares: Da Coruña a Residente Privilexiada", un proxecto creado en colaboración coa Asociación de Actores e Actrices de Galicia no mes de xullo de 2022.

As gravacións foron feitas no marco da exposición "María Casares, actriz océano. Itinerario vita dunha exiliada", realizada no Kiosco Alfonso da Coruña.

Coa condución de María Lopo, doutora en literatura francesa e especialista en María Casares, e lecturas das actrices Cora Velasco, Rebeca Solla e María Francelina.

Gravación e edición: Sondeson / Música: Vals da Teixeira - Tiruleque.

Busca no catálogo

Buscador de actividades

Escribe a palabra ou palabras que desexas buscar

Se o prefires, podes realizar a túa procura combinando distintos criterios. Só tes que acceder á procura avanzada

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión