A Realidade Aumentada ( R.A.) é unha tecnoloxía que permite mostrar unha imaxe dixital en medio dun espazo real ao tempo que vemos o que realmente existe nese espazo.

Neste taller as e os participantes aprenderán en que consiste a realidade aumentada, e como está cada vez máis presente nas nosas vidas: nas caixas dalgúns xoguetes, nos botes de alimentos e nos libros orientados ao público infantil e xuvenil.

A través da gamificación crearase un ambiente lúdico de traballo, potenciarase a socialización, o traballo en equipo e o compañeirismo.

Comezaremos facendo fichas coloreables de realidade aumentada e tras ver como os debuxos "cobran vida" pasaremos á lectura e visualización de contos con realidade aumentada.