A nosa proposta para este verán é adicar algo do tempo de lecer á lectura e a atoparnos con persoas que tamén desfruten con ela.

Xuntarémonos os mércores de xullo e agosto con propostas de lecturas quincenais, porque sabemos que nas vacacións é probable que nos ausentemos algúns días.

Pódeste apuntar a unha, varias ou todas as quincenas.

Nestes dous encontros falaremos de O grupo, de An Alfaya. Neste libro coñeceremos a Antón, Runa, Carla, Amina e Nico, adolescentes que sofren en primeira persoa algunha discriminación. Deciden acudir ao Centro Cívico do seu barrio buscando unha solución.

Podes pasar pola biblioteca a recoller o teu exemplar ou descargalo na plataforma de préstamo de libro electrónico GaliciaLe.