Hoxe en día resulta cada vez máis frecuente atopar cuestionamentos sobre os modelos relacionais na nosa sociedade.

Diversos movementos sociais, como o feminismo ou o colectivo LGTBIQ+, poñen en dúbida a hexemonía da familia nuclear como único modelo de familia posible. É por isto que moitas persoas buscan formas de relacionarse menos xerárquicas, máis igualitarias, e modelos familiares que se adapten mellor ás necesidades e desexos das persoas que as integran. 

Para dar resposta a isto xorde esta xornada que se compón de dúas accións:

1. unha charla con Andrea Nunes Brións e Ánxela Lema París, coordinadoras da publicación O cento voando: amores, alianzas e non-monogamias (Xerais, 2023).
2. un obradoiro, de metodoloxías participativas dinamizado por Non Monogamias Compostela, no que abordaremos cuestións como os mitos do amor romántico, a escaleira mecánica das relacións, a xerarquía relacional e familiar, entre outras.

Unha xornada completa que promete ofrecernos un primeiro contacto coa non-monogamia a través de actividades interactivas, co obxectivo de aprender a identificar os distintas compoñentes dos modelos relacionais para construír modelos alternativos.

Non o deixes pasar!