Baixo a forma de roteiro, este percorrido pola cidade da Coruña descubrirache a historia dalgunhas persoas e colectivos que cuestionaron a norma de xénero ao longo do século XX: as desviadas, escandaloses, vagos e maleantes. 

Con isto procuramos incorporar referentes até o de agora invisibilizades, que faciliten unha comprensión máis completa da nosa cidade e do noso presente, así como a construción dun futuro máis libre e diverso.

O roteiro ten unha duración aproximada de dúas horas e consta de 7 paradas entre a Praza de María Pita e a praia do Orzán:

• Praza de María Pita: introdución.

• Igrexa de San Jorge: disidentes sexuais a comezos do século XX. Marcela e Elisa.

• Teatro Colón: transformismo escénico. Sexilio. Teresita.

• Rúa Socorro: golpe do 36. Caso Cervigón.

• Xardíns de Méndez Núñez: franquismo e espazos de encontro.

• Praza de Pontevedra: articulación dos primeiros colectivos. Stonewall galego e outros referentes.

• Riazor / Orzán: o valor da memoria. Caso José María Sorrón e Samuel Luíz.

O punto de encontro será a propia Praza de María Pita, ás 11h.