A OMIC anima á cidadanía a achegar aqueles xoguetes que xa non empregan para que outros nenos e nenas poidan gozar deles ao tempo que poderá levar os que mais lle gusten dos expostos que se correspondan co valor dos seus cupóns.

Para participar na Casa dos Xoguetes:

• Pódense doar xoguetes entre o 1 e o 31 de decembro. Se a tenda se enche demasiado, estas datas poderían cambiar para garantir que todo funcione ben.
• O persoal da tenda revisará cada xoguete que se entregue. Eles decidirán se está en boas condicións para ser intercambiado por cupóns e tamén valorarán o tipo de xoguete para asignarlle o número de cupóns correspondente.

Ademais, ata o 3 de xaneiro, a Casa dos Xoguetes ofrecerá obradoiros creativos e actividades lúdicas para nenos e nenas de 4 a 10 anos. Pódese consultar o programa completo en www.coruna.gal/omic