22 resultados

• Roteiro en bici e Charla-obradoiro de ergonomía, mecánica e condución segura da bicicleta

  

  Cando:

  14/10/2026

  A Oficina de Sustentabilidade da UDC organiza para o próximo mércores, 14 de outubro, as seguintes actividades monitorizadas pola Asociación Mobi-Liza, dirixidas ás persoas ciclo-usuarias do Servizo de préstamo de bicicletas da UDC, e ademais abertas á comunidade universitaria.

• Mercado das Nubes de outono

  

  Cando:

  Dende o 09/10/2026 ata o 11/10/2026

  O Mercado de San Agustin acolle de novo o "Mercado das Nubes" na súa edición de outono, un espazo no que se reunirán marcas emerxentes locais, artistas, produtoras/es e artesáns/ás no que atopar produtos diferentes e singulares, gozar da gastronomía e da música en directo, paticipar en obradoiros infantís e actividades para toda a familia.

• O ceo está máis preto do que pensas

  

  Cando:

  Os días 31/10/2026 á 01:00 , 28/11/2026, 26/12/2026

  O Planetario da Casa das Ciencias celebra dúas sesións especiais os últimos sábados de cada mes.

• Club de xogos de mesa na Biblioteca Os Rosales

  

  Cando:

  Dende o 17/10/2026 ata o 22/05/2027

  A Biblioteca Municipal Os Rosales organiza o Club de Xogos de Mesa, un espazo de encontro interxeracional no que persoas de diferentes idades poden coñecer e desfrutar de xogos en comunidade. Nesta nova edición, o club incorpora como novidade unha liga propia, na que as persoas participantes poderán sumar puntos en cada sesión.

• Semana da Arquitectura da Coruña 2026

  

  Cando:

  Dende o 05/10/2026 ata o 11/10/2026

  O Concello da Coruña, a Escola Técnica Superior de Arquitectura da Universidade da Coruña e a Delegación da Coruña do Colexio Oficial de Arquitectos de Galicia impulsan unha programación que permitirá achegarse a esta parte do patrimonio contemporáneo a través de exposicións, conferencias, visitas guiadas, rutas, obradoiros e outras actividades. Este ano estará dedicada ao brutalismo coruñés e ao legado que esta corrente deixou na paisaxe urbana da cidade.

• Xornada portas abertas | Grupo Scout Stoas

  

  Cando:

  10/10/2026

  Oportunidade para coñecer as actividades e persoas do Grupo Scout Stoas (no Ventorrillo).

• XII Outubro UDC Saudable e Sustentable

  

  Cando:

  ata o 31/10/2026

  Inscricións:

  Ficha de inscrición.

  A Oficina de Sustentabilidade da Universidade da Coruña organiza durante o mes de outubro un programa de actividades de voluntariado e participación ambiental que combina o coidado da natureza coa promoción dun estilo de vida saudable e sustentable.

• Viaxe ao centro do Aquarium

  

  Cando:

  10/10/2026

  Inscricións:

  do 5 de outubro, ás 10:00 h., ata esgotar prazas, no seguinte formulario.

  O Aquarium Finisterrae organiza «Viaxe ao centro do Aquarium», unha actividade de divulgación científica e educación ambiental que permite coñecer de preto os espazos técnicos e os procesos necesarios para o funcionamento do acuario.

• Actividades de outubro no Espazo Xuvenil O Remanso

  

  Cando:

  Dende o 09/10/2026 ata o 31/10/2026

  O Espazo Xuvenil O Remanso organiza unha serie de actividades durante o mes de outubro. As actividades son todas de balde, para rapaces e rapazas de 12 a 30 anos, ambos cumpridos.

• Coa lingua de fóra: Galego

  

  Inscricións:

  Dende o 8 de outubro de 2026 ata esgotar prazas.

  A Biblioteca Municipal Ágora organiza «Coa lingua de fóra», un grupo de conversa en galego dirixido a persoas adultas que queiran mellorar a súa expresión oral nun ambiente distendido e afastado da aprendizaxe formal. A actividade, dinamizada por unha persoa nativa, ofrece un espazo de intercambio lingüístico e cultural para practicar o galego e incorporalo ao día a día.

resultados 22