Uso de cookies nas páxinas web do Concello da Coruña
Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso
A Consellería de Cultura, Educación, Formación Profesional e Universidades convoca o programa Retorna Talento FP, para persoas galegas residentes no estranxeiro interesadas en retornar e cursar determinados estudos de formación profesional que se inicien no curso académico 2024/25 en centros educativos de Galicia.
A quen vai dirixido:
Para público en xeral
Inscricións:
Ata o 13/05/2024
Requisitos:
Ser menor de 45 anos.
Estar en posesión da nacionalidade española.
Residir no estranxeiro.
Acreditar un mínimo de dous anos de residencia fóra de España inmediatamente anteriores á data da presentación da solicitude.
Cumprir, polo menos, unha das seguintes condicións:
Ser emigrante nacido/a en Galicia.
Ser emigrante non nado/a en Galicia, pero ter residido en Galicia de forma continuada durante dez anos con nacionalidade española antes de emigrar.
Ser descendente por consanguinidade de emigrante nado/a en Galicia, sempre que a persoa solicitante nacese no estranxeiro.
No caso das persoas nacidas no estranxeiro, estar vinculadas a un concello galego.
No caso das persoas solicitantes da modalidade B:
Estar en posesión dalgunha das titulacións que dan acceso ao ciclo formativo correspondente. A titulación deberá estar homologada e acreditarase mediante a correspondente credencial de homologación. Non obstante, permitirase a inscrición condicionada neste procedemento mediante a presentación da solicitude de homologación xunto coa declaración responsable.
Dispoñer de conexión á internet e ordenador ou dispositivo móbil compatible coa plataforma de teleformación da Consellería de Cultura, Educación, Formación Profesional e Universidades.
Remuneración / Custo:
Modalidade A: a contía de cada bolsa será de 6.500 €.
Modalidade B: a contía de cada bolsa será de 10.800 €.
Sede electrónica (sede.xunta.gal): procedemento ED333B
Modalidades de bolsas:
Modalidade A: programas específicos básicos. 48 bolsas.
CIFP Someso (A Coruña): Formación específica básica de albanelaría e fontanería (597 horas, 16 prazas)
CIFP Universidade Laboral (Culleredo): Formación específica básica de fontanería, calefacción, electricidade e telecomunicacións en edificios (860 horas, 16 prazas)
CIFP Ferrolterra (Ferrol): Formación específica básica de fontanería, calefacción, electricidade e telecomunicacións en edificios (860 horas, 16 prazas)
Modalidade B: ciclos de formación profesional dual. 60 bolsas. Nesta modalidade a formación terá unha duración de dous cursos académicos. Durante o curso 2024/25, o alumnado cursará un período inicial na modalidade semipresencial e a distancia que poderá desenvolver desde o seu país de residencia, seguido dun período na modalidade presencial dual, que se desenvolverá entre o centro educativo e a empresa. Durante o curso 2025/26, o alumnado cursará un período inicial na modalidade semipresencial e a distancia, que se impartirá desde o centro educativo, seguido dun período na modalidade presencial dual, que se desenvolverá na empresa.
CIFP Ferrolterra (Ferrol): Ciclo superior de Deseño e Amoblamento (2.000 horas)
CIFP Someso (A Coruña): Ciclo superior de Proxectos de Edificación (2.000 horas)
CIFP Universidade Laboral (Culleredo): Ciclo superior de Desenvolvemento de Proxectos de Instalacións Térmicas e de Fluídos (2.000 horas)
IES de Vilamarín (Vilamarín): Ciclo superior de Xestión de Aloxamentos Turísticos (2.000 horas)
IES de Chapela (Redondela): Ciclo medio de Atención a Persoas en Situación de Dependencia (2.000 horas)
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible