As persoas solicitantes deberán cumprir polo menos un dos seguintes requisitos:

a) Estar aloxadas durante todo o curso académico 2023/24 nunha residencia universitaria da UDC, no marco da convocatoria de prazas nas residencias públicas universitarias dos campus de Ferrol e A Coruña para o alumnado da UDC. Deberán ademais estar ao corrente no pagamento dos recibos.

b) Ter concedida unha axuda da convocatoria da UDC para o alumnado en situacións de dificultades económicas, no curso 2023/24.

c) Ter concedida unha axuda da convocatoria da UDC do programa para a promoción dos estudos universitarios entre persoas solicitantes de asilo ou protección internacional "Join our commitment to action: emergency support for students from wartorn countries and conflict affected societies", para o curso 2023/24.

d) Ter concedida unha axuda do plan propio da UDC para alumnado en situación de refuxio do programa ABRIGA, no curso 2023-24.

Incompatibilidades: Esta bolsa é incompatible con calquera outra axuda ou bolsa destinada ao mesmo fin de calquera administración ou entidade pública ou privada.