Plataformas para a autoformación de persoas adultas

• Aula Mentor: programa de formación aberta e flexible (apostando por formación en liña e titorías ou exames presenciais) do Ministerio de Educación, Formación Profesional e Deportes e en colaboración con outras institucións. Está deseñado para mellorar a cualificación das persoas adultas e promover o desenvolvemento das súas competencias persoais e profesionais. Os cursos adoitan durar dous meses e ter un custo de 48 euros, pero a cambio a formación será acreditable de forma oficial, malia que hai un número limitado de balde.

• Aula Fácil: máis dun milleiro de cursos de balde e agrupados por categorías para orientarte na procura da formación que necesitas.

• Aprender Gratis: plataforma de formación en liña gratuíta en español que recompila cursos, titoriais, guías e manuais dunha gran variedade de temas: desde arquitectura a técnicas de estudo ou manexo do estrés, algúns deles certificados.

• Crehana: plataforma privada que naceu co obxectivo de democratizar a aprendizaxe e hoxe serve de soporte de recursos humanos co ollo posto en América Latina. Na súa web teñen un apartado de cursos de balde.

• ConectaEmpleo: España: a Fundación Telefónica oferta cursos de competencias para a vida profesional e formación para a busca de emprego, entre outros.

• Coursera: plataforma global de aprendizaxe en liña e desenvolvemento profesional que conta con centos de cursos de balde e en español (ollo, que algúns son só probas do curso), e tamén formación de pago. Pódese filtrar por temáticas moi diferentes: desenvolvemento persoal, negocios, ciencia, humanidades, tecnoloxías da información e a comunicación...

• Fórmate: ofrece un amplo catálogo de cursos de balde (subvencionados polas administracións públicas) de distintos sectores laborais para persoas traballadoras, autónomas ou desempregadas que desexen actualizar o seu perfil profesional.

• FUNDAE (Fundación Estatal para la formación en el empleo): ofrece cursos gratuitos de formación profesional para el empleo con prácticas profesionales.

• UNED Abierta: plataforma de cursos abertos a todas as persoas da Universidade a distancia, que oferta cursos moi variados. idiomas, obradoiros de escritura, traballo social, alfabetización informacional...

Completa a autoformación coa nosa colección de libros e audiovisuais.

Se tes interese na autoaprendizaxe para mellorar as túas competencias profesionais e/ou atopar emprego, podes consultar o noso centro de interese Emprego.

Cursos en liña de competencias dixitais

• Xunta de Galicia:
  • CeMIT: formación de balde en tecnoloxías da información e da comunicación a través dunha rede de centros da Xunta, que busca fomentar a inclusión dixital da cidadanía con cursos presenciais en aulas de toda Galicia (na Coruña, no Centro Cívico de Eirís) e tamén en modalidade de teleformación.
  • Formación dixital: programa gratuito para desenvolverse no mundo dixital que outorga certificación emitida pola Amtega (Xunta de Galicia) a quen o supere.
• Bilib: proxecto que forma parte do Plan de Capacitación Dixital da Cidadanía de Castela-A Mancha, dentro do que ofrecen cursos en liña.

• Fundación Cibervoluntarios: entre os seus fins, atópase promover o uso social da tecnoloxía para fomentar a inclusión dixital, a innovación social e a participación cidadán, para o que ofertan unha serie de cursos gratuítos.

Participa na formación presencial de balde en competencias dixitais que ofrecemos nas bibliotecas.

Completa a autoformación co noso servizo de Atención Tecnolóxica personalizada e a nosa colección de libros e audivisuais sobre competencias dixitais.

Cursos en liña de aprendizaxe de idiomas

• GALEGO

  • Portal de autoaprendizaxe da lingua galega: Queres mellorar o teu nivel de galego? A Xunta de Galicia ofrece facelo e obter o CELGA, e é posible estudalo co obxectivo de obter o teu certificado tras un exame pero tamén simplemente polo placer de aprender, o que podes facer en liña a través do apartado de teleformación.

  • LingoHut: na plataforma LingoHut podes atopar un completo curso de galego, aínda que os audios que o acompañan escóitanse algo artificiais, pero claros.

• CASTELÁN

  • Hablarama: con interface en inglés, esta plataforma ofrece clases interactivas con audio e leccións de vocabulario, frases útiles e gramática en distintos niveis.

• OUTROS IDIOMAS

  • Duolingo: popular plataforma que pode empregarse en formato app para practicar idiomas no día a día.

Participa nas actividades de aprendizaxe de idiomas das bibliotecas.

Completa a autoformación sobre aprendizaxe de idiomas coa nosa colección de libros e audiovisuais.

Cursos en liña de educación ambiental

• Ceida: este centro de referencia para a educación ambiental en Galicia, que ten a súa sede no Castelo de Santa Cruz (Oleiros), programa cursos ao longo do ano, algúns deles en formato virtual.
• Ceneam: O Centro Nacional de Educación Ambiental presenta unha serie de mini portais temáticos que permiten a autoaprendizaxe en liña.
• Ecoloxistas en Acción: esta organización ecoloxista mantén aberta unha plataforma educativa que oferta cursos variados arredor do medio ambiente.

Participa nas nosas actividades e obradoiros de Biblioteca Verde.

Completa a autoformación sobre educación ambiental coa nosa colección de libros e audiovisuais.

Cursos en liña de creatividade e lecer

Queremos axudarche tamén a atopar e desenvolver a túa paixón, para a que non precisas máis certificado que o visto e prace propio. Elixe o teu!

• Curso de cocina española

• Curso para explorar hobbies e intereses variados

• Cursos de afeccións variadas

• Cursos de arte e manualidades

• Cursos de cocina

• Cursos de escritura

• Cursos de manualidades

Completa a autoformación creativa coa nosa colección de libros e audiovisuais.

Cursos en liña para profesionais do libro

• Escuela Parix: escola online dirixida a profesionais da creación e a tradución literarias, a ilustración, a corrección, a edición, as artes gráficas, a distribución e as librerías co fin de potenciar o seu talento nunha contorna dixital.

Completa a autoformación no eido do libro e a lectura coa nosa colección de libros e audiovisuais

Acreditar a autoformación

A oferta en autoformación é moi ampla, e atópanse cursos para todos os gustos e para todos os petos. Non obstante, a gratuidade dos cursos adoita implicar que o feito de superalos non outorga ningún tipo de certificado ou diploma oficial alén dunha insignia dixital (para identificar progresos e logros e motivar aos estudantes), malia que se o necesitas ou desexas pódese optar a conseguir o devandito certificado previo pago.

PERO se só buscas aprender, mellorar a túa formación, abrir a túa mente a outros campos de coñecemento e satisfacer a túa curiosidade intelectual, as plataformas que recompilamos un pouco máis arriba son o lugar ideal para empezar.