No ámbito da mocidade, o programa Erasmus+ ofrece a oportunidade de realizar intercambios xuvenís. Os Intercambios xuvenís permiten a grupos de mozos de diferentes países reunirse e convivir ata un máximo de 21 días. Durante os Intercambios xuvenís, os participantes desenvolven un programa que planifican xuntos ao redor dun tema de interese mutuo (unha mestura de talleres, exercicios, debates, simulacións, xogos de rol, actividades ao aire libre, etc.). O proceso de aprendizaxe realízase a través de métodos de educación non formal e baséanse na cooperación transnacional entre dúas ou máis organizacións participantes de diferentes países da Unión Europea e fóra dela.

¿Quen pode participar?

• Organizacións participantes: que son as que presentan e xestionan os proxectos en representación dos participantes .
• Participantes
  • Mozos de idades comprendidas entre 13 e 30 anos, residentes nos países involucrados no proxecto.
  • Un intercambio xuvenil debe ter un mínimo de 16 e un máximo de 60 participantes (sen incluír ao/os lider/é do grupo).
  • Un mínimo de 4 participantes por grupo (líder/é non incluídos).
  • Todos os grupos nacionais deben ter polo menos un/a líder de grupo.

¿Canto dura unha actividade de intercambio?

De 5 a 21 días, excluído o tempo de viaxe. A duración da actividade é diferente á duración do proxecto en si, que oscila entre un mínimo de 3 meses e un máximo de 24 meses.

¿Como pode unha organización presentar unha solicitude?

Debe esperar a que se abra unha das tres convocatorias anuais, pero antes de encher unha solicitude, todas as organizacións que desexen participar en Erasmus+ deberán rexistrar a súa organización no Servizo de Autenticación da Comisión Europea (ECAS). Tes toda a información picando aquí.

¿Como se pode atopar un socio para un proxecto?

A través da plataforma OTLAS que é unha ferramenta online para organizacións no ámbito da mocidade. Nela poden rexistrar os seus datos de contacto e ámbitos de interese, así como as súas peticións de socios/interlocutores para ideas de proxectos.

MÁIS INFO:

• ERASMUS+ INJUVE