A distribución dos espazos no novo Remanso

O novo Remanso, concibido para albergar actividades xuvenís organizadas tanto polo Concello como polos colectivos da mocidade coruñesa, foi financiado con fondos FEDER, cun investimento de case 360.000 euros na infraestrutura en si e cun investimento de outros 90.000 euros en mobiliario e material electrónico.  

Divídese en dous andares: no soto conta cunha sala, dotada de equipamento informático, que pode ser utilizada pola mocidade como espazo informal de traballos grupais; a planta baixa, por outra banda, conta cunha sala multiusos na que se poderán levar a cabo todas as actividades deseñadas e planificadas polas persoas usuarias.

Ademais, o Remanso conta cun equipo de dinamización encargado de xestionar o espazo, así como de acompañar a aquelas agrupacións de rapazas e rapaces que den o paso de organizar actividades por iniciativa propia.

Os horarios

Inverno (dende o 1 de outubro ao 31 de maio):

• Luns, mércores, venres, sábado e domingo: de 11:00 a 14:00 h. e de 17:00 a 22:00 h.
• Martes e xoves de 17:00 a 22:00 h. 

Verán (dende o 1 de xuño ata o 30 de setembro):

• De luns a venres: de 17:00 a 23:00 h.
• Sábado: de 11:00 a 14:00 h. e de 17:00 a 22:00 h.
• Domingo: pechado.