Para informarse e inscribirse nas que corresponda inscrición:

• Espazo Xuvenil O Remanso
• 621 183 038 (teléfono dispoñible no mesmo horario do espazo)

Bótalles un ollo a continuación:

XULLO

• Do 01/07/2026 ao 28/08/2026. Certame de relatos curtos de ciencia ficción. 
  • É necesaria a inscrición 
  • Tes unha historia que contar? Atrévete a participar no noso Certame de Relato Curto de Ciencia Ficción e deixa voar a túa imaxinación entre estrelas, planetas, viaxes espaciais e misterios do universo. Este ano, o eclipse será unha fonte especial de inspiración: que segredos agocha a súa sombra? Que aventuras poderían acontecer durante ese instante único? Colle papel e lapis (ou teclado) e crea un relato capaz de levarnos máis alá do horizonte. Quizais a próxima gran historia do cosmos sexa a túa.
• 09/07/2026 de 18:00 a 20:00h. Obradoiro de lettering: Letras efecto galaxia.
  • É necesaria a inscrición. (10 prazas) 
  • Gustaríache crear letras que parezan sacadas do espazo? Apúntate ao noso obradoiro de "Letras Efecto Galaxia" e aprende a combinar cores, estrelas e efectos sorprendentes para deseñar os teus propios carteis, nomes ou frases. Non fai falta experiencia, só ganas de crear!
• 24/07/2026 de 18:00 a 20:00h. Alien: o xogo de rol (unha aproximación). 
  • É necesaria a inscrición. (5 prazas) 
  • Unha misión rutineira e nada mal pagada pero de súpeto, dende a vosa nave, vedes outra que leva desaparecida oitenta anos. Agora a misión é outra: sobrevivir.
• 28/07/2026 de 18:00 a 20:00h. Proxección de curtametraxes de astronomía. 
  • É necesaria a inscrición. (15 prazas) 
  • Selección moi selecta de curtametraxes de Georges Méliès con motivo da eclipse do 12 de agosto. Botemos unha ollada ao ceo dende o cinema.
• 30/07/2026 de 18:00 a 20:00h. Diario creativo: O cosmos na túa libreta. 
  • É necesaria a inscrición. (10 prazas) 
  • Nesta sesión de Diario Creativo, converteremos a túa libreta nun pequeno universo. En "O Cosmos na túa libreta" crearás páxinas cheas de galaxias, estrelas e planetas para expresar a túa creatividade.