MODALIDADES

• Ciencias e Tecnoloxía.
• Humanidades e Ciencias Sociais.

► Poderán inscribirse na proba e titular pola modalidade Xeral ou de Artes na vía elixida as persoas que estean en condicións de recoñecemento do segundo exercicio conforme ao establecido no anexo VI da resolución que convoca a proba.

CARACTERÍSTICAS DA PROBA

A proba organizarase de xeito diferenciado segundo as dúas modalidades convocadas de bacharelato.

Constará de 2 exercicios. Os contidos dos exercicios terán como referente os aspectos básicos do currículo do bacharelato.

1º EXERCICIO: Consta de 5 exames correspondentes a materias comúns a todas as modalidades de Bacharelato.

• Exame 1. Lingua Castelá e Literatura I e II.
• Exame 2. Lingua Galega e Literatura I e II. (*posibilidade solicitude exención, se procede).
• Exame 3. Historia de España.
• Exame 4. Primeira Lingua Estranxeira I e II. (Inglés ou Francés)
• Exame 5. Filosofía e Historia de Filosofía.

2º EXERCICIO: Consta de tres exames correspondentes a materias específicas de cada modalidade.

CIENCIAS E TECNOLOXÍA Exame 6 Matemáticas I e II Exame 7: elixir unha Física e Química e Física Física e Química e Química Debuxo Técnico I e II Exame 8: elixir unha Bioloxía, Xeoloxía e Ciencias Ambientais e Bioloxía Bioloxía, Xeoloxía e Cªs Ambientais e Xeoloxía e Cªs Ambientais Tecnoloxía e Enxeñaría I e II	HUMANIDADES E CIENCIAS SOCIAIS Exame 6: elixir unha Latín I e II Matemáticas Aplicadas ás Cªs Sociais I e II Exame 7: elixir unha Grego I e II Economía e Empresa e Deseño de Modelos de Negocio Exame 8: elixir unha Literatura Universal e Historia da Arte Historia do Mundo Contemporáneo e Xeografía

• Cada persoa participante realizará os exames nos que figure inscrita.

DATAS DE INSCRICIÓN: ddo 26 de febreiro ao 11 de marzo de 2026

LUGARES DE INSCRICIÓN: na Coruña,  EPAPU Eduardo Pondal. Rúa da Educación, 3- 2º andar. 15011- A Coruña. Tel.: 881 960 901

DATA E LUGAR DA PROBA: 23 e 24 de abril de 2026 

No IES San Clemente (R/ San Clemente, s/n. 15705-Santiago de Compostela. Tel.: 881 867 501) en sesións de mañá e tarde.