Están programadas accións nos seguintes espazos:

• Parque Nacional das Illas Atlánticas (Illa de Ons, Cíes e Cortegada)
• Parques Naturais: Baixa Limia- Serra do Xurés, Complexo dunar de Corrubedo e Lagoas de Carregal e Vixán, O Invernadeiro, Serra da Enciña da Lastra, Monte Aloia e Fragas do Eume.
• Zonas de Especial Protección dos Valores Naturais: Costa da Morte, Parga-Ladra-Támoga, Sistema fluvial Ulla-Deza e Betanzos-Mandeo.
• Paisaxes Protexidas: Val do río Navea.
• Humedais Protexidos: Ría de Ribadeo e Praia das Catedrais, Complexo intermareal Umia -O Grove (A Lanzada, punta Carreirón e Lagoa Bodeira), Ría de Ortigueira e Ladrido e Lagoa e Areal de Valdoviño.

As actividades das persoas voluntarias participantes centraranse na preservación, limpeza e conservación destes espazos, eliminación de lixo de praias, ríos e montes, sensibilización, coñecemento dos ecosistemas, visualización mediática de rutas e análise de todas aquelas actuacións con posible incidencia no medio natural continental desde un punto de vista técnico, detectando os distintos efectos e/ou impactos ambientais.