"O próximo baile será comigo" naceu no seo dun grupo de apoio mutuo e converteuse nun recurso moi potente para a prevención e detección das violencias. As creadoras parten da premisa de que o que realmente funciona na sensibilización é escoitar directamente as voces das mulleres que viviron a violencia, porén, expoñerse continuamente pode resultar esgotador emocionalmente para elas. Por iso, este audiovisual recolle os seus testemuños para que poidan ser escoitados sen desgastar ás protagonistas.