As actuacións que se subvencionan son a adquisición de bicicletas novas con pedaleo asistido e bicicletas de man híbridas ou eléctricas para cadeiras de rodas (bicicletas de man) en establecementos comerciais situados en Galicia que cumpran os seguintes requisitos técnicos e de equipamento:

• Bicicletas novas con pedaleo asistido:
  • Bicicleta con pedaleo asistido, nova, equipada cun motor eléctrico auxiliar, de potencia nominal continua máxima inferior ou igual a 250 W, cuxa potencia diminúa progresivamente e que finalmente se interrompa antes de que a velocidade do vehículo alcance os 25 km/h ou se o ciclista deixa de pedalear (pregables incluídas).
  • Batería de litio, con capacidade igual ou superior a 248 Wh (vatios/hora).
  • Cadro ríxido (sen dobre suspensión).
  • Luz traseira e dianteira.
  • Gardabarros dianteiro e traseiro completo.
  • Pata de cabra ou cabalete.
  • Cumprimento de Norma UNE-EN 15194:2018. Ciclos con asistencia eléctrica. Bicicletas EPAC.
• Bicicletas de man:
  • Bicicleta de man nova, equipada cun motor con potencia máxima de 400 W, desmontable e con enganche automático nas rodas dianteiras da cadeira de rodas.
  • Guiador conectado á roda e ao motor.
  • Empuñadura ergonómica.
  • Freo de disco, ou equivalente.
  • Apoio de pé.
  • Timbre ou sistema de advertencia.
  • Sistema de iluminación dianteiro e traseiro.
  • Rango de dimensión das rodas: 8,5" - 20".
  • Velocidade máxima: 25 km/h.
  • Batería de litio, con capacidade igual ou superior a 248 Wh (vatios/hora).
  • Cumprimento coa normativa de fabricación da UE, EN12184 (cadeiras de rodas con motor eléctrico, scooters e os seus cargadores. Requisitos e métodos de ensaio).