Os proxectos presentados polas persoas participantes deben reunir os seguintes requisitos:

• Referírense a un texto -ou varios combinados- da autoría de Manuel María ou que aborde algún aspecto da súa figura.
• Seren completamente orixinais.
• Teren unha duración mínima prevista de 45 minutos.
• Non beneficiarse dunha axuda da Consellería de Cultura Educación, Formación Profesional e Universidades para o mesmo proxecto en concepto de axuda a produción.
• Poderán presentar proxectos a este Certame persoas físicas ou xurídicas ligadas ás artes escénicas legalmente constituídas que acreditaren a súa residencia en Galiza, que contaren ou foren contar con cobertura de produción para desenvolveren o proxecto.