A formación terá unha duración de 8 semanas nas que o alumnado poderá desenvolver o curso ao seu propio ritmo (sen horarios).

A aprendizaxe será guiada. Realizaranse sesións grupais de acompañamento con especialistas para resolver dificultades e retos.

O temario impartirase dunha forma amena e atractiva mediante contidos formativos, actividades prácticas e material complementario.

Para finalizar o curso, as persoas participantes terán que aprobar de maneira obrigatoria o 80% das actividades avaliativas como demostración da adquisición das competencias.

Obterase un diploma acreditativo oficial da Xunta de Galicia ao rematar cunha equivalencia de 250 horas e 10 ECTS.

Temario

1. Test autodiagnóstico do nivel de competencias
2. Busca e xestión da información dixital:
   • Busca, localización e selección da información.
   • Personalización do navegador.
   • Busca de información especializada.
   • Operadores de busca en buscadores.
   • Estratexias de verificación da información e contidos dixitais.
   • Avaliación da información e contidos das páxinas web.
   • Estratexias de selección da información.
   • Fontes de contidos dixitais abertos.
   • Organización e recuperación da información. Organización do espazo de almacenamento na nube.
3. Comunicación e colaboración:
   • Interacción a través das ferramentas dixitais. Ferramentas de interacción e comunicación. Configuración e personalización das ferramentas de comunicación.
   • Comunidades e redes sociais.
   • Comunicación audiovisual: ferramentas de videoconferencia.
   • Formas e canais para compartir información. Ferramentas para o traballo en equipo. Estratexias de colaboración en liña.
   • Cidadanía dixital. Sistemas de identificación: configuración e uso. Servizos dixitais para a cidadanía e Administración electrónica.
   • A netiqueta dixital. Adaptación á diversidade funcional, de accesibilidade, cultural e xeracional. Xestión de conflitos no marco dixital.
   • A xestión da identidade e pegada dixital. Coidado da reputación e a privacidade en liña. Configuración e actualización de perfís. Suplantación de identidade.
4. Creación de contidos dixitais:
   • Creación de contidos dixitais con ferramentas de ofimática e as súas funcións principais. Inserción de elementos de formato diverso. Importación e exportación. Cambios de formatos.
   • Creación de contidos multimedia, interactivos e reelaborados. Programas de edición de contidos multimedia: vídeo, imaxe e audios.
   • Creación de contidos web: sitios web, blogs, mapas mentais, infografías e repositorios de recursos. Creatividade e innovación dixital.
   • Os dereitos de autor, licenzas de uso e contidos en aberto. Acceso a contidos multimedia. Licenzas de uso de software.
   • Programación básica. Principios de arquitectura das aplicacións e servizos dixitais. Programación de tarefas. Licenzas de uso de software.
5. Benestar dixital: seguridade e privacidade:
   • Medidas de protección e seguridade dos meus dispositivos. Actuación ante perigos e ameazas. Consellos e estratexias para evitar riscos. Antivirus. Antimalware. Firewall.
   • Dereitos e deberes no uso de datos persoais. Coidado da privacidade propia e allea.
   • Benestar e inclusión dixital. Identificación e actuación ante os riscos para a saúde. Medidas preventivas para menores e colectivos vulnerables e a inclusión dixital.
   • Sostibilidade tecnolóxica. Alargando a vida dos meus dispositivos. O consumo dixital e as medidas de protección.
6. Marco dixital e resolución de problemas:
   • Personalización dos dispositivos tecnolóxicos. Configuración e mantemento do software. Resolución de problemas frecuentes.
   • Mellora dos dispositivos tecnolóxicos. Novos periféricos e os seus usos. Elección de ferramentas.
   • Tecnoloxías emerxentes.
7. Avaliación final e diploma de acreditación

Beneficios desta formación

• Realizar trámites coa administración pública.
• Crear e xestionar as túas redes sociais e facer videochamadas.
• Coñecer as principais ferramentas de seguridade.
• Editar vídeo e fotografía.
• Ampliar o teu mercado laboral, empregando aplicacións e programas.
• E moitas máis habilidades dixitais que che farán a vida máis sinxela.
• A preparación necesaria para optar á obtención do ComDix. *Estes cursos formativos non outorgan directamente a certificación ComDix. Será necesario presentarse ás probas de certificación específicas convocadas pola Amtega.