Este evento é unha oportunidade para coñecer de primeira man as ensinanzas de réxime especial que se ofrecen en Galicia, xa que se contará con material expositivo e actividades interactivas das ensinanzas de artes plásticas e deseño, conservación e restauración de bens culturais, arte dramática, música, danza, ensinanzas deportivas e de idiomas.

As persoas asistentes poderán participar en:

• Mostra e exhibición das distintas ensinanzas.
• Obradoiros de artes plásticas e deseño.
• Traballos de conservación e restauración de bens culturais.
• Actividades didácticas de música, arte dramática e danza, así como de idiomas.
• Actividades deportivas.
• Espazos escénicos con actuacións en directo.

LUGAR: Museo Centro Gaiás da Cidade da Cultura, andares -1 e 0 (Monte Gaiás, s/n. 15707 - Santiago de Compostela)