MANÁ visitará Galicia en 2024 dentro da súa xira mundial MÉXICO LINDO Y QUERIDO TOUR.

Un concerto de máis de dúas horas con única data o 27 de xuño no Coliseum da Coruña, dedicado a repasar todos os seus éxitos e que trae de volta a banda ao noso país despois de seis anos.

Considerado o grupo de rock en español máis influente do mundo e un dos nomes latinos máis importantes de todos os tempos, MANÁ leva case 40 anos transcendendo xeracións coa súa música, tal e como demostra unha vez máis con MÉXICO LINDO Y QUERIDO TOUR. Un reencontro coa forza e a maxia dos seus directos e cos seus temas máis icónicos e populares, como "Oye mi amor", "Rayando el sol", "Clavado en un bar", "En el muelle de San Blas", "Amor clandestino", "Mariposa traicionera", "Vivir sin aire" ou "Labios compartidos", entre moitos outros.

MÉXICO LINDO Y QUERIDO TOUR está actualmente acabando de percorrer os Estados Unidos e pechará o ano con 38 datas coas entradas esgotadas, onde se inclúe a súa residencia en Los Ángeles (California), que vendeu máis de 240.000 entradas e esgotou 16 datas. Maná arrincará o 2024 coa súa xira en Latinoamérica, antes de chegar a España, visitando Paraguai, Arxentina, Chile, México, Colombia, Perú, Ecuador e Guatemala.

VENDA DE LOCALIDADES

• Venda en liña: Ataquilla.com
• Venda no despacho de billetes do Coliseum: unicamente o día do concerto.
• Venda no despacho de billetes central da praza de Ourense: de luns a venres (excepto festivos) das 11.00 ás 15.00 h e das 16.30 ás 19.30 h.