Para informarse e inscribirse nas que corresponda inscrición:

• Espazo Xuvenil O Remanso
• 621 183 038 (teléfono dispoñible no mesmo horario do espazo)

Bótalles un ollo a continuación:

AGOSTO

• 06/08/2026 de 19:00 a 21:00h. Crea o teu Reloxo Solar.
  • É necesaria a inscrición. (10 prazas) 
  • Pronto será o eclipse total máis incrible das nosas vidas, pero... que sabemos sobre o sol? Ven coñecer a estrela que permite a vida na Terra e de paso constrúe o teu propio reloxo solar, un dos instrumentos máis antigos para medir o paso do tempo.
• 08/08/2026 de 18:00 a 20:00h. Torneo de Futbolín Alexandre de Fisterra. 
  • É necesaria a inscrición. (16 prazas) 
  • Chega o verán e no Remanso non pode faltar o noso torneo de futbolín adicado a Alexandre de Fisterra. Apúntate a esta competición individual, na que a victoria verdadeira sempre a leva quen máis se divirte.
• 14/08/2026 de 20:00 a 22:00h. Karaoke! Festa dos '80 Total Eclipse of a Summer. 
  • É necesaria a inscrición. 
  • Celebramos o mes do eclipse total cunha festa ambientada nos anos 80. Pásate coa túa mellor caracterización desta fabulosa década e trae moitas ganas de cantar.
• 20/08/2026 de 19:00 a 21:00h. Crea a túa Lámpada Lunar. 
  • É necesaria a inscrición. (10 prazas) 
  • Neste obradoiro pringaremos as mans para construir unha bonita lúa luminosa que enfeitará calquer recunchiño da nosa casa. Aproveitaremos tamén para aprender un pouquiño máis sobre o noso misterioso satélite.
• 28/08/2026 de 19:00 a 21:00h. Compartir historias. Quedada lectora: Maxia e fantasía. 
  • É necesaria a inscrición. (10 prazas) 
  • Un dos nosos xéneros máis queridos será o protagonista desta quedada lectora do mes de agosto. Comparte o teu libro favorito de maxia ou fantasía e anímate a ler en alto algunha das pasaxes que che parezan máis épicas.
• 28/08/2026. I Certame de relatos curtos de ciencia ficción. 
  • Fin do prazo para entregar os relatos que partcipen no I Certame de Relatos Curtos de Ciencia Ficción.