"Un hombre libre" recupera a figura de Agustín Gómez‑Arcos, escritor español nado en Enix (Almería) cuxa obra foi censurada na España franquista, o que o levou a exiliarse primeiro en Londres e logo en París, onde continuou a súa carreira literaria escribindo en francés e alcanzando amplo recoñecemento internacional.

Tras a proxección haberá unha conversa posterior coa directora do filme, Laura Hojman, e con Rafael Calvo, cineasta e membro do Club de Lectura QUEERuña das Bibliotecas Municipais, na que se abordarán temas como cine, memoria, exilio, literatura e diversidade afectivo‑sexual a partir do documental e da obra de Gómez‑Arcos.

LUGAR: Casa Museo Casares Quiroga (Rúa Panaderas, 12.15001 - A Coruña)