A Fundación Luis Seoane organiza «Menos é máis», un obradoiro de escritura creativa coordinado polo escritor Fernando Ontañón que invita a depurar o estilo e explorar unha escritura máis clara, sinxela e literaria. A partir da lectura e análise de «Ay, William», da autora estadounidense Elizabeth Strout, as persoas participantes traballarán sobre as claves dunha narrativa baseada en palabras precisas, historias próximas e diálogos veraces.