Nesta celebración proxectarase o documental "¿Palla Mental? 2ª Parte", realizado en 2014, no que se avalía o comportamento das casas construídas con balas de palla en 2004 (obxecto dun primeiro documental).

A construción con balas de palla converteuse nunha proposta ecolóxica seria. Como material de construción, a palla xera ambientes saudables e é infalible en termos de protección climática. Nestes documentais, os especialistas falan da súa visión sobre a construción moderna con balas de palla.

Ao remate da proxección haberá unha pequena charla coloquio aberta.

Para participar, é preciso inscribirse a través da páxina web da Asociación Espiga. De non cubrir o aforo, o día da actividade permitirase a entrada libre ata completar a capacidade.