Este webinar forma parte da iniciativa #Euroxuventude, froito da colaboración entre a FGE e a Dirección Xeral Xuventude da Xunta de Galicia para informar aos mozos e mozas galegas sobre as oportunidades que ofrece a UE. O seminario tamén está dirixido a xoves do norte de Portugal como consecuencia da participación da FGE en varios proxectos de cooperación transfronteiriza no eido da mocidade.

Presentaremos o Programa Erasmus para Emprendedores (EYE) que ofrece a todos estes sectores da poboación unha gama de oportunidades afíns aos seus intereses. O intercambio de experiencias prodúcese no marco de estancias con persoas empresarias experimentadas durante as cales os novos emprendedores poderán adquirir as habilidades necesarias para dirixir unha pequena ou mediana empresa. As emprensas ou emprendedores anfitrións benefícianse dunha nova perspectiva sobre o seu negocio e adquiren a oportunidade de cooperar con socios estranxeiros ou coñecer novos mercados.

Tamén presentaremos Coworking LUG2 un espazo onde se aloxan emprendedores creativos coa posibilidade de participar na creación de proxectos comúns e LUG OPEN FACTORY un proxecto integral para Galicia baseado na creatividade. É tamén un Servizo Xuvenil e de desenvolvemento dun modelo para apoiar a creación de empresas sociais e creativas en novas contornas a través do empoderamiento dos mozos para que presenten solucións a problemas sociais do futuro.