Requisitos xerais:

• Establécense 3 categorías de participación para os tres concursos: 
  • 1. Alumnado de Educación Primaria e 1º e 2º curso da ESO.
  • 2. Alumnado de 3º e 4º curso da ESO e Bacharelato.
  • 3. Adultos/as, maiores de 18 anos.
• Requisitos do XVIII Concurso de Fotografía Matemática: 
  • Tema das fotografías: as matemáticas. Suxírese en particular o tema das "Pensamento computacional e intelixencia artificial", o lema do Día Escolar das Matemáticas para o ano 2026.
  • As fotografías deberán ser orixinais, non se admitirán imaxes de montaxes, nin de manipulación dixital. Terán un tamaño de impresión mínimo 15 cm x 20 cm, máximo 20 cm x 30 cm e peso máximo de 1,5 Mb.
  • Cada fotografía debe levar un título que a relacione co seu contido matemático e deberá ir acompañada dun texto descritivo/explicativo sobre a vinculación o mundo matemático, cunha extensión máxima de 100 palabras.
  • Cada participante poderá presentar un máximo de 3 fotografías. 
  • A participación farase a través do formulario web dispoñible en https://mateblog.agapema.org/fotografia-matematica
• Requisitos do XV Certame de Matmonólogos:
  • Os participantes presentarán un guión orixinal cunha extensión máxima de 1000 palabras en lingua galega ou castelá. Poderán presentar ata un máximo de 3 guións, pero só terán opción a un premio.
  • O tema deberá estar relacionado coas matemáticas.
  • A participación farase a través do formulario web dispoñible en https://mateblog.agapema.org/matmonologos-inicio
• Requisitos do XI Concurso de Esopías:
  • As persoas participantes presentarán unha esopía orixinal, en castelán ou galego, segundo a guía que acompaña á convocatoria, e tendo en conta a definición desta: "Esopía" é un relato, comentario ou poema, cun máximo de 140 carácteres (chío), onde cada palabra leva un número de letras (non está permitido o uso de cifras) igual ás sucesivas cifras do número π.
  • A esopía terá un mínimo de 5 palabras.
  • Cada participante poderá presentar ata un máximo de 3 esopías, pero só terá opción a un premio.
  • A participación farase a través do formulario web dispoñible en https://mateblog.agapema.org/esopias