Os traballos teñen que ser cunha extensión mínima de 300 versos, serán orixinais, inéditos e non premiados noutros concursos no momento das deliberacións do xurado. Os autores responsabilizaranse de comunicarlle á organización, dun xeito inmediato, a concesión de calquera outro premio ao traballo presentado para poder ser retirado do concurso antes do día do fallo.

De cada traballo teñen que presentarse 3 copias en papel A4, mecanografadas a dobre espazo, numeradas e grampadas ou encadernadas. Estas deberán vir identificadas con título e/ou lema. As obras presentaranse en sobre pechado, coa indicación "I Premio de Poesía Acouga Casa dos Poetas", no seguinte enderezo:

• Fundación Curros Enríquez.
• Rúa Curros Enríquez,37
• 32800 Celanova (Ourense)

No interior do sobre, ademais dos traballos, achegarase outro sobre pechado, identificando tamén o título e/ou lema coa seguinte información:

• Título do trabalo, nme do/a autor/a e DNI ou pasaporte.
• Enderezo, número de teléfono e correo electrónico.
• Declaración xurada na que se manifeste que o traballo presentado é orixinal, inédito e non premiado con anterioridade en ningún concurso ou certame. 
• O selo que certifique a data de envío deberá ser visible.