A biblioteca Os Rosales continúa pechada por obras (non se pode acceder ás salas), pero ten habilitado un punto de atención no mostrador da sala infantil para xestións rápidas (levar en préstamo os libros que están accesibles -pregunta por eles-, entregar lotes á carta, reservar e pedir libros a outras bibliotecas, facer o carné, ou solicitar información). Ademais, pode consultarse a prensa diaria nas instalacións do centro cívico.

Alén diso, hai actividades que continúan organizándose en instalacións do centro cívico ou compartidas con el como: Merendas con Contos, clubs de lectura e de xogos de mesa, cursos de formación dixital, e O Pensatorio.

Consulta máis abaixo o cadro-resumo.

Para calquera dúbida, sempre estamos presentes, no punto de atención da propia biblioteca (mostrador da sala infantil), por teléfono ou no correo electrónico. 

Horario do punto de atención na Biblioteca Os Rosales: coincidente co da propia biblioteca.

• Luns: 9-14 h e 16-20.30 h
• De martes a venres: 9-20.30 h
• Sábados: 10- 14 h