- Inicio
- Actividades
- Infantil
- Merendas con contos
Merendas con contos
Contacontos para nenos e nenas
Tipo de actividade:
Contacontos
A quen vai dirixido?:
Infantil. 3 a 7 anos / familias
Require inscrición
En que consiste Merendas con contos...?
Programa de animación á lectura dirixido a familias con crianzas de 3 a 7 anos no que os Ratos de Lonxedetodo, uns simpáticos ratiños e ratiñas que visitarán a biblioteca, achegarannos aos libros e á música dunha maneira atractiva e lúdica.
A actividade corre a cargo da compañía Trinke Trinke Teatro e adaptouse ao formato virtual ata o momento en que a presencialidade volva ser unha opción segura.
Como participar
- Para poder participar en Merendas con Contos requírese inscrición previa. As prazas son limitadas.
- A inscrición abre unha semana antes da realización de cada sesión, ás 10.00 horas
- As prazas adxudícanse por rigorosa orde de inscrición.
- Debido ás restrición de aforamento e seguridade dá COVID 19 tan só poderán asistir a actividade os nenos e nenas de 3 e 7 anos co acompañamento dunha persoa adulta por menor.
Onde e cando
| Día | Lugar | Hora | Prazas | Frecuencia |
| luns | Biblioteca Ágora | 18.00 h | 12 | De outubro a maio |
| martes | Biblioteca Sagrada Familia | 18.00 h | 8 | |
| martes | Biblioteca Fórum Metropolitano | 18.00 h | 13 | |
| mércores | Biblioteca Monte Alto | 18.00 h | 9 | |
| xoves | Biblioteca Castrillón | 18.00 h | 12 | |
| venres | Biblioteca Os Rosales | 18.00 h | 8 | |
| sábado | Biblioteca Durán Loriga | 18.00 h | 8 | |
| sábado | Punto de servizo Mesoiro | 12.00 h | 8 |
Lecturas para a casa
Ao finalizar a actividade teremos preparado un lote de libros para que os levedes para a vosa casa.
A lectura compartida en familia, día tras día, daravos unha excelente oportunidade para fortalecer a vosa relación e enriquecer a comunicación familiar. Fai da lectura compartida un membro máis da túa familia.
MEDIDAS COVID-19
- Uso obrigatorio de máscara para todas as persoas maiores de 6 anos
- Uso obrigatorio de xel hidroalcohólico antes de entrar á biblioteca
- Mantemento da distancia de seguridade entre persoas ou grupos de persoas que acceden xuntas
- Declaración responsable. Todas as persoas que asistan ás actividades deberán asinar unha declaración onde manifesten que non presentan ningún síntoma compatible coa COVID-19 e no caso de presentalos comprométense a non asistir. O documento será facilitado polo persoal bibliotecario antes de cada actividade para a súa sinatura.
Para ter en conta
No transcurso de todas as actividades o persoal bibliotecario realiza fotografías co único obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe un texto para efectuar a busca.
Buscador de actividades
Escribe a palabra ou palabras que desexas buscar:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible