Buscar no catálogo completo

Usa esta busca cando che interese buscar no catálogo completo das 8 bibliotecas. Ten en conta que desde calquera biblioteca facemos peticións de libros ás outras.

Buscar nunha única biblioteca

Cascarilleiro permite que realices as buscas nunha única biblioteca.

Para facelo, só tes que seleccionar unha biblioteca da listaxe e recuperará só aqueles resultados que estean localizados na biblioteca que elixas.

Usa esta busca cando che interesen só os materiais da biblioteca do teu barrio, a que está preto do teu centro de traballo, etc.

Busca sinxela

Esta busca é moi útil para buscas xenéricas. Cascarilleiro buscará os termos da túa busca en calquera parte dos rexistros.

Por exemplo, se introduces os termos Pedro Almodóvar, Cascarilleiro mostrarache todos os materiais que conteñan esas palabras no TÍTULO, na MATERIA, no AUTOR, etc. É dicir, recuperará todas as películas que dirixiu, as que produciu, todos os documentais e libros que tratan sobre a súa figura, as bandas sonoras das súas películas, etc.

Busca avanzada

Con esta busca podes indicarlle a Cascarilleiro en que campo ou campos queres que aparezan os teus termos de busca. Ten en conta que Cascarilleiro pode simultanear a busca en máis dun campo.

Por exemplo, se introduces os termos Pedro Almodóvar no campo MATERIA, e os anos 2010 e 2015 no campo PUBLICADO ENTRE, Cascarilleiro limitarase a buscar todos os materiais das bibliotecas que traten sobre Pedro Almodóvar publicados entre o 2010 e o 2015, e deixará fóra dos resultados todos os demais.

Resultados das buscas: as listaxes

Cascarilleiro sempre mostra os resultados en forma de listaxe e moitas veces incorpora unha imaxe ao lado de cada documento para facilitar a súa identificación.

Cascarilleiro mostrarache toda a información dun rexistro cando cliques sobre o seu TÍTULO.

Se queres retroceder á listaxe de resultados, podes pulsar sobre RESULTADOS. Se queres empezar de novo, faino sobre VOLVER A BUSCAR.

Resultados das buscas: dispoñibilidade dos materiais

Cascarilleiro móstrache a localización e dispoñibilidade dos materiais se premes enriba do seu título.

Cascarilleiro mostrarache toda a información dun rexistro cando premas sobre o seu TÍTULO.

Na parte inferior poderás ver que biblioteca ten ese material, se está dispoñible ou non, ou se está prestado. Neste último caso, Cascarilleiro tamén che indica cal é a data de devolución.

Buscas sin resultados

Cando Cascarilleiro non atopa ningún rexistro que coincida cos termos da túa busca (porque non hai nada nas bibliotecas ou porque os escribes de forma incorrecta) traerache unha pantalla similar a esta:

Cascarilleiro non se rinde e segue buscando alternativas á túa busca.

Se clicas sobre BUSCAR TÉRMINOS PARECIDOS EN EL ÍNDICE, verás as alternativas que Cascarilleiro che ofrece aos teus termos de busca:

1. se escribiches mal algún termo, este índice mostrarache a forma correcta de escribilo e poderás seguir buscando
2. se non hai nada nas bibliotecas que conteña os teus termos, Cascarilleiro darache as alternativas máis próximas

Rexistros sin exemplares

En ocasións Cascarilleiro localiza materiais que non teñen exemplares asociados porque que non están dispoñibles para o préstamo.

Isto pode deberse a que aínda estamos traballando con ese material para prestarcho nas condicións óptimas, que se encontra en mal estado e estamos intentando repoñelo ou fai referencia a outro material que o contén. Neste último caso, clica no enlace de DOCUMENTO FUENTE  e terás a información completa.