No desenvolvemento do proxecto traballamos con 4 grupos focais:

• Mozas e mozos entre 14 e 22 anos
• Migrantes
• Maiores de 50 anos con cualificación que poidan compartir con outras persoas
• Maiores de 70 anos

A Eira consta de 3 fases:

1. Investigación participativa: coñecer de man da veciñanza os seus intereses e as súas necesidades.
2. Adaptación das instalacións para crear un espazo de aprendizaxe
3. Posta en marcha e desenvolvemento da eira

Na posta en marcha deste proxecto de bibliolab, contaremos coa colaboración da Fundación Germán Sánchez Ruipérez, a Facultade de Socioloxía e a Facultade de Ciencias da Saúde da Universidade da Coruña.

"A Eira" é ese espazo que crece cando o sementamos e fertilizamos con traballo e participación. Un lugar que nos define e fainos crecer, no que cultivaremos aquilo que construamos de forma conxunta. Representa o valor da proximidade, a participación cidadá, a innovación social e a posta en valor das bibliotecas como centros de produción de coñecemento, aprendizaxe e desenvolvemento persoal e colectivo.

Podes ver a presentación en castelán seguindo a ligazón á nosa galería, ou vela directamente, en galego, na miniatura que aparece máis abaixo.

O proxecto foi presentado en Laboratorios Bibliotecarios, iniciativa do Ministerio de Cultura e Deporte e Medialab Prado onde tivo lugar un taller para o prototipado colaborativo, cuxo resultado é a seguinte presentación.