Desde ese momento sucédense case unha trintena de publicacións e múltiples premios. Novela, poesía, ensaio, contos infantís; creación, tradución... nada se lle resiste a esta prodixiosa muller que participou tamén en diversas e variadas obras colectivas.

Algunhas obras súas, dispoñibles nas bibliotecas, son Bárbaras, Furia, Desde o conflito e a súa recentísima Retorno, que vén completar a triloxía "Os seres completos", que dá inicio con Cobiza e continúa con Multitudes. 

É precisamente este último, Multitudes, o título que están a ler os tres grupos do club de lectura LGTB QUEERuña, grazas á colaboración coa Biblioteca da Deputación da Coruña, que nos dá acceso ao título en formato dixital a través da plataforma de préstamo electrónico ebibliodacoruna, na que podes inscribirte se tes o carné de calquera biblioteca pública da provincia.

A entrada é libre ata completar a capacidade.