O martes 19 de abril ás 18:30 h. temos na Biblioteca Municipal Fórum Metropolitano un Obradoiro de creatividade manual dirixido a público interxeracional de 6 a 100 anos.

Baixo a tutela da responsable do obradoiro "Manualidades creativas", que se imparte dentro do Programa Lecer do Fórum, Chari Maquieira, levaremos a cabo unha sesión do obradorio no espazo da biblioteca na que convivirán as alumnas habituais cun público infantil dende unha óptica de aprendizaxe e intercambio de coñecemento ao mesmo nivel.

O obxectivo do obradoiro é aproveitar o material cotiá que temos nas nosas casas e darlle un aire renovado, ao mesmo tempo que se aprenden técnicas de manualidades relacionadas con infinidade de materiais como: teas, papel, envases, cristal, madeira e se comparte tempo e saberes con outras persoas. En definitiva se o teu é a creatividade ou non, pero tes ganas de aprender e pasar unha tarde do máis entretida este é o teu obradoiro, non esquezas traer unha camiseta, bolsa de tea ou calquera outro obxecto que queiras personalizar.