PROCEDEMENTO E CALENDARIO

• Preinscrición: Do 14 de setembro ás 9:00 h ao 16 de setembro ás 20:00 h. Modo de preinscrición:
  • 1ª opción: Dende o seguinte formulario en liña.
  • 2ª opción: A través de páxina web de https://www.coruna.gal/cultura
  • 3ª opción: Facilitarase axuda presencial, de 9.00 a 14.00 h, nas zonas de recepción do Fórum e do Ágora.

*Poderase solicitar un máximo de 2 obradoiros en cada un dos centros. 

*Ao completar a preinscrición en liña, cada participante recibirá un correo electrónico coas actividades solicitadas e cun número único para o sorteo. Se a inscrición se realiza de forma presencial, o persoal comunicaralle o número á persoa nese mesmo momento.

• Publicación das listaxes cos números do sorteo: 17 de setembro, ás 10.00 h, nas webs www.coruna.gal, www.coruna.gal/cultura e no servizo telefónico 010.
• Sorteo público: 17 de setembro ás 12:00 h, nas conserxerías do Fórum e do Ágora.
• Publicación de prazas adxudicadas e listas de espera: 18 de setembro, a partir das 10:00 h.
• Pago da cota: 21, 22 e 23 de setembro.
• Adxudicación das prazas vacantes nos obradoiros sen listaxe de agarda: a partir do luns 21 de setembro volverá abrirse na web o formulario de inscrición para público en xeral e farase o aboamento.
• Adxudicación de prazas nos obradoiros con listaxe de agarda: Contactarase por correo electrónico ou por teléfono coas persoas incluídas nas listaxes de agarda para confirmar se continúan interesadas nos obradoiros solicitados. A primeira quenda de contactos realizarase o 24 de setembro e a segunda, o 28 de setembro. Realizaranse tres intentos de contacto telefónico en diferentes momentos do mesmo día. Se non se consegue establecer comunicación, pasarase á seguinte persoa da listaxe de agarda.
• Pagamento das prazas adxudicadas a persoas das listaxes de agarda: primeira quenda o 25 ou 26 de setembro, e as da segunda quenda, o 29 ou 30 de setembro.