O venres 16 de xaneiro ás 19.00 h terá lugar na Biblioteca Municipal Ágora a presentación do libro "El Canto de Narciso", da docente e escritora María Díaz.

Unha obra que nos convida a explorar temas universais de candente actualidade na nosa sociedade como a complexidade das relacións familiares, a violencia física e psicolóxica exercida sobre a muller, as bondades da auto escoita, o poder redentor do corpo e o baile, ou os efectos da falta de empatía.

Sobre María Díaz

Estudou filoloxía inglesa na Universidade de Santiago de Compostela, onde participa en 1996 en recitais, e colabora na publicación "Verbas máis quentiñas". Ese mesmo ano gaña o premio de poesía convocado polo grupo O Imán, do Concello de Vigo. Viaxa por Alemaña e posteriormente obtén unha beca para traballar de auxiliar de conversa en Bristol, Reino Unido. Vive nesa cidade culturalmente vibrante durante oito anos, onde é profesora de español en diversas institucións.

Á súa volta, traballa en diferentes escolas de idiomas, formándose ao mesmo tempo como profesora de ioga en Sevilla e Madrid. Interésase por levar as prácticas de ioga á aula, colaborando co CAFI de Santiago para impartir varios cursos en 2023. En 2022 estudou o Máster en Mindfulness pola Universidade de Zaragoza.

Actualmente exerce como docente na Escola Oficial de Idiomas da Coruña. Para ela, ler e escribir forman parte de procesos vitais internos que a axudan a evolucionar.