Como diques contra a desinformación, as bibliotecas debemos garantir o cumprimento efectivo dos dereitos culturais da cidadanía, así como do acceso a fontes de información fiables e recursos de alfabetización informacional, sendo portas abertas á cultura e á información.

[Fonte: Ministerio de Cultura]

Este 24O pasamos á acción contra a desinformación!

Este 24 de outubro visibilizarémonos, informaremos sobre, e celebraremos o traballo das nosas bibliotecas en prol dos dereitos de acceso á cultura e a fontes de información veraces, así como recursos de alfabetización informacional, de xeito que fornezamos, estes días especialmente, a loita contra a desinformación.

Para iso, convidámoste a te unires a algunha das nosas propostas.

• Do 20 ao 24 de outubro, nas bibliotecas:

  • Ruta bibliotecaria: sela o noso pasaporte a participa nas visitas guiadas! 

  • Mostras: libros que quixeron silenciar.

• Do 20 ao 24 de outubro, nas nosas redes sociais:

  • Pílulas informativas contra bulos e fake news.

  • Presentación dos nosos servizos gratuítos de alfabetización informacional, formacións dixital e atención tecnolóxica personalizada.

• 24 de outubro, 19h, na Biblioteca de Estudos Locais:

  • Charla "Cultura e movemento obreiro na Coruña: A biblioteca do C.E.S. Germinal (1902-1936)", con Paco Ascón e Dani Palleiro.

E ademais...

• 17 de outubro, 21 h, no Centro Ágora.
  • Concerto Ágorason Outono 2025 no centro Ágora con Lamatumbá, en colaboración co departamento de Lingua do Concello, co gallo do Día das Bibliotecas. Reparto de entradas nas bibliotecas desde o venres 10 de outubro.