Este ciclo de charlas de divulgación científica, coordinado pola profesora Ana González Tizón e a Biblioteca Fórum Metropolitano, xorde da colaboración da Asociación de veciños de Oza, A Gaiteira e Os Castros e o Grupo de divulgación científica e innovación docente da Universidade da Coruña, UDCiencia i+d. 

Este grupo desenvolve unha intensa actividade no campo da divulgación científica, a innovación docente e a aprendizaxe-servizo.

O programa nace con vocación de permanencia. Será o último luns de cada mes ás 19.00 h na Biblioteca Fórum, con acceso libre até completar a capacidade.

O luns 28 de novembro temos a terceira charla do programa:

Isabel Zendal Gómez: unha galega ao servizo da humanidade.  Charla a cargo de Ana M. González Tizón. Profesora de Xenética da UDC e divulgadora científica.

Isabel Zendal foi a  primeira enfermeira da historia nunha misión internacional de saúde pública, encargouse do labor máis imprescindible na Real Expedición Filantrópica da Vacina. Unha viaxe de catro anos cun final de consecuencias inimaxinables.