Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Bibliotecas Municipais

Concellería de Educación, Cultura e Memoria Histórica

Préstamo de lectores de libros electrónicos

Señor sentado lendo nun lector electrónico

Se aínda non os utilizaches, próbaos! No tamaño dun libro con formato de peto e cun peso de 200 gramos e mesmo menos, pódese almacenar unha biblioteca enteira.

Son cómodos para as vacacións, se non queremos ir moi cargados, permiten axustar o tamaño e o tipo de letra e localizar palabras ou frases xa lidas.

Podes levar en préstamo un destes lectores, dispós de varios modelos e todos están cargados con preto de 3.000 obras clásicas e libres de dereitos.

Se xa cumpriches os 18, co carné de bibliotecas ou a túa Tarxeta Millennium activada podes solicitar o acceso a este servizo gratuíto.

Como me dou de alta neste servizo?

Presencialmente, na Biblioteca Fórum Metropolitano. Leva o teu carné da biblioteca e o teu DNI porque necesitaremos facerlle unha fotocopia. Nese mesmo momento entregarémosche, para que leas e asines, un documento que recolle con detalle o funcionamento do servizo e o teu compromiso coas condicións específicas de uso. A partir dese momento xa poderás levar en préstamo calquera dos lectores que estean dispoñibles.

Que necesito saber sobre o préstamo e a devolución dos dispositivos?

  • Que terás que presentar o teu carné de bibliotecas ou a túa Tarxeta Millennium activada e darte de alta previamente no servizo.
  • Que o préstamo dura 21 días e préstase un dispositivo+accesorios por persoa.
  • Que tanto o préstamo como a devolución só se poderán realizar, de momento, na Biblioteca Fórum Metropolitano.
  • Que é importante que o entregues en man ao persoal bibliotecario, con suficiente batería para poder acendelo e con todos os accesorios que retiraches. O persoal da biblioteca terá que comprobar que o dispositivo segue nas mesmas condicións nas que se retirou: a mesma configuración, a tarxeta de memoria coa mesma carga de títulos, todos os accesorios, etc.
  • Que se durante o préstamo detectas algunha anomalía no seu funcionamento, deberás notificalo ao persoal no momento da devolución. Desta forma, descartaremos que poida deberse a un mal uso.

Que conteñen os lectores?

Todos os lectores electrónicos dispoñen dunha tarxeta de memoria na que cargamos grandes obras clásicas e libres de dereitos da literatura universal. Asegúrate de que o persoal da biblioteca comprobe, na túa presenza, que o lector que vas levar ou que vas devolver contén a súa tarxeta correctamente cargada.

Accede á relación de títulos e autores dispoñibles nos dispositivos.

Modelos e accesorios dispoñibles

Sony Reader PRS T1: 163 gramos, pantalla de 6 polgadas

Booq: 187 gramos, pantalla de 6 polgadas

Inves Book 600: 180 gramos, pantalla de 6 polgadas

Wolder Boox: modelos de 236 e 314 gramos, pantalla de 6 polgadas

Para ter en conta...

O funcionamento é similar ao préstamo de libros, CD, DVD...

  • procura devolver o dispositivo no prazo marcado pola biblioteca para evitar a suspensión temporal do préstamo (tantos días sen préstamo como días de atraso)
  • devolve o material no mesmo estado en que o retiraches. Facer un mal uso do dispositivo leva de 3 a 6 meses sen poder facer uso dos restantes servizos da biblioteca que requiren o carné: préstamo, acceso a ordenadores, etc. Se se producen danos no dispositivo e os reparas, poderás volver usar o teu carné con normalidade.
  • entrega o dispositivo con todos os seus compoñentes para que outra persoa poida facer uso deles. Se por algunha razón non o puideses facer, terás que repoñelo para poder seguir utilizando o teu carné das bibliotecas.
  • entrega na biblioteca a denuncia orixinal no caso de que cho rouben.

Lembra que...

... dende o momento no que retiras un dispositivo ti es o único responsable do seu coidado. Evita un mal uso e asegura que a seguinte persoa que faga uso del o atope no mesmo estado que ti o atopaches.

Busca no catálogo

Buscador de actividades

Escribe a palabra ou palabras que desexas buscar

Se o prefires, podes realizar a túa procura combinando distintos criterios. Só tes que acceder á procura avanzada

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión