Talleres
Persoas adultas, Xuvenil
+16 anos
18/06/2026
Dende o 11/06/2026 ata o 18/06/2026
Inscrición en liña
16:30-20:30 h
4 horas
Biblioteca Municipal Fórum Metropolitano. Rúa Río Monelos 1. 15006 A Coruña
981 184 298
Coñeces a Wikipedia? Nesta xornada, aprenderás a crear un perfil para poder editar na Galipedia, wikipedia en galego, e, axudarnos a enchela de literatura, e de literatura orgullosa, ademais!
Este mes de xuño, queremos encher a Galipedia de literatura, para o que poñemos en marcha unha editatona de obras literaria nesta enciclopedia colaborativa.
Co gallo do mes do Orgullo 2026, a agulla do compás nesta xornada sinalará obras de literatura en galego con etiqueta LGTB+ para as editar.
Co noso combo especial, alén de coñecer literatura LGTB+, practicarás a redacción en lingua galega, formaraste en identificar información rigorosa e de calidade, e, por demais, empregarás unha ferramenta dixital que che permitirá participar nun proxecto enciclopédico global.
Durante o desenvolvemente da actividade, acompañaranos Adrián Estévez, membro da Fundación Wikipedia e editor habitual da Galipedia, e contaremos coa colaboración do CEFEX, Centro de Estudos de Xénero e Feministas da Universidade da Coruña.
| Hora | Actividade |
|---|---|
| 16:30 - 16:40 | Benvida e presentación da xornada |
| 16:40 - 17:35 | Formación técnica: aprendemos a usar Galipedia (con Adrián Estévez) |
| 17:35 - 17:45 | Presentación do CEFEX (UDC) |
| 17:45 - 18:15 | Descanso e conversa informal |
| 18:15 - 20:15 | Elección de obra literaria á que crearlle unha entrada en Galipedia* e posterior edición |
| 20:15 - 20:30 | Avaliación e despedida |
*Prestaremos durante a xornada exemplares de títulos de literatura galega diversa entre os que poder elixir para aquelas persoas que o precisen.
Tamén che pode interesar
Prazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible