O luns 15 de xuño ás 19 h., na Biblioteca Fórum Metropolitano, temos a presentación do poemairo ""Hipnose Encarnada" de Ramiro Torres, publicado por Espiral Maior.

Organizado pola AVV Oza, A Gaiteira e Os Castros.

A Biblioteca Fórum acollerá o vindeiro 15 de xuño a presentación de Hipnose Encantada, o novo poemario de Ramiro Torres, autor coruñés cunha consolidada traxectoria no ámbito da poesía galega contemporánea.

Nado na Coruña en 1973, Ramiro Torres é diplomado en Graduado Social pola Universidade da Coruña. Ao longo da súa carreira literaria publicou textos en revistas como Poseidónia e Agália, ademais de participar en diversos proxectos colectivos, entre os que destaca Áncora no alén (2008), obra que combina creación plástica e poética arredor da figura de Urbano Lugrís.

En 2012 viu a luz o seu primeiro libro individual, Esplendor Arcano, publicado no marco do Grupo Surrealista Galego, colectivo co que o autor mantivo unha estreita vinculación. Así mesmo, foi codirector da revista dixital Palavra Comum e colabora na actualidade en Quiasmo, desenvolvendo unha labor continua de investigación e creación arredor do feito poético.

A súa concepción da poesía afástase de formulacións explicativas para reivindicar o poema como experiencia transformadora. Tal e como o propio autor sinala, o poético constitúe unha vía de coñecemento e unha enerxía latente que se activa en cada lectura, ofrecendo ao lector unha vivencia singular e profunda.

A presentación de Hipnose Encantada supón unha nova oportunidade para achegarse ao universo creativo de Ramiro Torres, caracterizado pola súa intensidade simbólica e pola exploración das dimensións máis suxestivas da linguaxe.

Acceso libre até completar capacidade.