Durante todos estes días instalaranse na zona do Obelisco diversas carpas coas últimas innovacións en materia de xestión automatizada da mobilidade e no control da calidade medioambiental.

Tamén haberá marchas ciclistas e a pé con escolares, organizadas pola Policía Local e por Stop Accidentes, ao longo da semana.

VENRES 16

Este venres, as persoas que se acheguen á zona da Mariña poderán desfrutar dun paseo nun prototipo de coche autónomo, que estará funcionando ata as 19 horas.

Algo máis tarde, ás 21:30 horas, terá lugar a tradicional Friday Mobility Night, cun recorrido pola cidade, que poderá realizarse en bicicleta, patinete ou VMP. Os detalles desta iniciativa poden consultarse picando na ligazón.

SÁBADO 17

O sábado 17 é a quenda das bicicletas antigas, que terán ocasión de saír á rúa da man de Mobi-liza.

DOMINGO 18

A celebración do Día da Bicicleta resérvase para o domingo 18, onde todas aquelas persoas que se queiran inscribir poderán participar nun percorrido que partirá da praza de María Pita, ás 10:00 horas. A información sobre esta última actividade pode consultarse neste enderezo.

MARTES 20

O III Foro da Mesa da Mobilidade levarase a cabo o martes 20 de setembro na Domus, baixo o lema "Os protagonistas da mobilidade coruñesa". Quen desexa anotarse pode facelo mediante o envío dunha mensaxe ao enderezo electrónico comisionadomobilidade@coruna.gal.

XOVES 22

O xoves 22 pola tarde, como todos os anos, celebrarase o Día sen coches, para o cal se pechará ao tráfico a rúa San Andrés, na que o espazo ocupado habitualmente polos automóbiles pasará a estar dedicado a actividades deportivas, culturais e festivas.

GUÍA DE LECTURA

Consulta a nosa guía de recursos sobre mobilidade urbana sostible!