Acceso ás salas

O acceso ás salas xerais é libre mais con limitación da capacidade marcada polas autoridades sanitarias. 

Só a Biblioteca de Estudos Locais mantén a cita previa. No resto de bibliotecas podes acceder libremente e non é preciso que o solicites previamente, mais podes facelo se o prefires.

O uso de máscara é obrigatorio para todas as persoas maiores de 6 anos e en todas as instalacións  haberá xel hidroalcólico para aplicarte nas mans antes da túa entrada. Recoméndase tamén o lavado frecuente de mans con auga e xabón.

Acceso aos fondos infantís

As salas infantís están de momento pechadas, mais podes solicitar que o persoal bibliotecario te acompañe para seleccionar algún libro ou material que queiras levar en préstamo.

Prensa

Habilitamos novamente o servizo de prensa, que será retirada diariamente para a súa reciclaxe.

Préstamo e corentena dos materiais

Mantemos os prazos de préstamo e número de materiais ampliados e, igual que a Biblioteca Nacional de España, reducimos a corentena a 7 días.

Consulta en sala

O acceso é libre ata ocupar a capacidade máxima. Para asegurar o teu sitio, podes facer a reserva chamando por teléfono ou a través do formulario web. Ten en conta que o acceso para a consulta en sala será asignado exclusivamente nos horarios de apertura de cada biblioteca.

App RadarCovid

É conveniente que todas as persoas instalemos a app oficial de rastrexo da Covid-19. Así, entre todas, contribuiremos a parar o virus.

Visionado de TV e consolas

Este servizo permanece, de momento, inoperativo.